CEBU – Gi-imbestigaran sa mga health officials sa California ang usa ka outbreak sa Legionnaires’ disease nga nakapatay sa usa ka tawo ug nasakit sa labing menos 11 pa ka indibidwal.
Anaa karon sa Napa County ang lokal, estado ug federal health officials aron paningkamotan nga makit-an ang gigikanan sa Legionella, ang bakterya nga hinungdan sa grabe nga impeksyon sa baga, human usa ka dosena nga mga residente ang nag-antos sa sakit sukad Hulyo 11.
Gisuwayan sa mga opisyal ang mga cooling tower, decorative fountains ug uban pang human-made water sources alang sa Legionella, ug gibutyag sa mga opisyales nga mamahimong usa ka posibleng gigikanan sa outbreak ang cooling tower sa Embassy Suites Napa Valley hotel.
Hinuon, gikuhaan na sa mga health officials og sample ang maong tore nga nagpakita og taas nga lebel sa bacteria ug pabilin kini nga offline hangtod mahuman ang imbestigasyon.
