CEBU CITY-Mikabat sa dul-an P10-M ang kantidad sa shabu nga nasakmit sa mga otoridad sa gipahigayon nga buybust operation sa mga nagkadaiyang lugar sa dakbayan sa Sugbo.
Una nga nakuha sa Drug Enforcement Unit (DEU) sa Labangon Police Station ang kapin usa ka kilo nga shabu nga mikantidad og P7.4-M gikan sa usa ka High Value Individual (HVI) Regional Level nga si Vera Abellana Rama, 33 anyos, ingon man ang lain pang HVI nga si Johnron Ministerio, 32 anyos nga nakuhaan usab ug 350 gramos nga shabu diin mikantidad ug P2.1-M.
Samtang, nasikop usab sa mga otoridad ang usa ka street level target nga si Monita Flores, 30 anyos, human nga nakuhaan og 15 ka mga gagmay nga pakete sa shabu kung diin nagkantidad usab kini og P68,000.
Kaso nga kalapasan sa RA 9165 o Comprehensive Dangerous Drugs Act of 2002 ang atubangon nga kaso sa maong mga durugista.
Kahinumdoman nga niadtong Sabado, Pebrero 1, nakuha usab sa mga DEU sa Subangdaku Police Station ang P7-M nga kantidad sa shabu gikan ni Crestellie Quiachon, 25 anyos, kinsang giisip nga “Newly High Value Individual”.///
