METRO MANILA-Gipaambit ni President Ferdinand Marcos Jr., nga kapin sa P12 bilyones nga kantidad sa mga serbisyo sa gobyerno ug P5 bilyones nga tabang pinansyal ang naapod-apod sa dul-an sa duha ka milyon nga mga benepisyaryo sa unang tuig sa Bagong Pilipinas Servisyo Fair (BPSF).
Sa iyang pakigpulong sa BPSF Agency Summit 2024 sa Pasay City kay gidayeg ni Marcos ang malampusong programa sa pagpaduol sa mga serbisyo sa gobyerno ngadto sa katawhan.
Dugang niini nga nagpamatuod lang nga daghang mahimo sa lungsod kung magkahiusa ug pinaagi sa ilang pagpaduol sa mga serbisyo sa gobyerno.
Ang pinakadako nga government service caravan sa nasud gipahigayon sa 21 ka probinsya sa tibuok nasud sulod sa miaging tuig.
Gawas sa paghatag og pinansyal, social ug livelihood nga tabang, ug mga programa sa pagpalig-on sa kapasidad, si Marcos miingon nga ang gobyerno nakahimo usab sa paghatag og nagkalain-laing serbisyo sa frontline sama sa birth certificate ug Social Security System registration; mga aplikasyon sa pautang; aplikasyon sa lisensya sa pagmaneho ug pagbag-o; aplikasyon sa clearance sa National Bureau of Investigation; ug mga serbisyo sa pasaporte.
Gidayeg usab ni Marcos ang mga local government units ug uban pang kauban sa paghimo sa inaugural nga tuig sa BPSF nga usa ka dakong kalampusan.
Ingon man nga nipasalig kini nga ang BPSF caravan makaabot sa nahabilin nga 60 ka mga probinsya sa nasud, ug gidugang nga ang gobyerno magtukod usab mga sentro sa serbisyo aron masiguro ang pagpadayon sa programa.
