Giandam na sa Department of Social Welfare and Development (DSWD) ang mga pagkaon ug non-food items nga igahin niini niadtong posibleng maapektuhan sa aktibidad sa bulkan, kini isip kabahin sa Kanlaon response operation.
Apil na niini ang P144-M nga kantidad sa hinabang nga na-preposition na sa Western Visayas ug P3-M nga standby funds.
Sa pagkakaron, kadaghanan sa mga hinabang anaa sa La Castellana, Negros Occidental diin daghang mga pamilya ang naapektuhan sa unang pagbuto sa Bulkan niadtong Hunyo.
Samtang ang DSWD padayon usab nga nakigkomunikar sa Emergency Operations Center sa Regional Disaster Risk Reduction and Management Council kalabot sa sitwasyon sa bulkan.
Kung kahinumduman nga mitaho ang DSWD nga 248 ka mga indibidwal ang gipabakwit isip preemptive measure batok sa hulga sa pagbuto sa Kanlaon Volcano.
