Nalusad na sa dakbayan sa Mandaue ang flagship program sa administrasyong Marcos Jr. nga “Benteng Bigas Meron na!” sa City Public Market niini niadtong Huwebes, Marso 12, 2026.
Ubos sa maong programa, ang mga indigent residents, PWD, senior citizens, ug single parents kay maoy qualified beneficiaries nga mamahimong makapalit kutob sa 10 kilos kada transaksyon atoll sa pilot implementation sa programa.
Gani sa pakighinabi sa Bombo Radyo Cebu News Team kang Patrick Michael Bariquit, ang Senior Administrative Assistant lll sa Food Terminal Inc. (FTI) nga maoy nagdumala sa programa nga ang dakbayan sa Mandaue ang ilang unang pampublikong merkado nga nabaligyaan diin ang National Food Authority (NFA) rice kay gidisplay og gibaligya ubos sa maong inisyatiba.
Matod pa niini nga ang ilang programa maka-akomodar sa 250 ka mga beneficiaries matag adlaw ug abli sila gikan Lunes hangtod Biyernes sa alas 8 sa buntag hangtod alas 5 sa hapon.
Ipahigayon ang pag-verify sa mga benepisyaryo sa ikaduhang andana sa Mandaue City Public Market samtang ang pagpalit kay anaa sa Kadiwa ng Pagulo stall sa ground floor.
Giimplementar ang Benteng Bigas Meron na! program pinagi sa FTI sa koordinasyon niini sa NFA nga nagtumong sa pagdalit og baratong bugas nga mapalit para sa mga kabus nga pamilya sa Pilipinas.
