CEBU – Mikabat sa P28 million ang danyos sa nahitabo nga sunog sa usa ka Industrial warehouse nga niigo sa Bihonan Road, Brgy. Cansojong, Talisay City.
Gibutyag ni F01 Jayson Balabag sa Talisay City Fire Office nga nadawat niini ang alarma ug giisa kini alas 03:07, gesugundahan kini sa igkaduhang alarma 3:41 ug igkatulong alarma sa 04:53 nakontrolar kini alas 05:49 ug na fire out na kini 05:59.
Nasayran nga ang naasoy nga warehouse kay himu-anan ug bihon nga gipanag-iya ni Fredrich Ngosiok.
Wala ra hinuoy natala nga casualty apan adunay usa ka chinese volunteer nga giilang si Russel Gocuan, 31 anyos nga nakaangkon ug first degree burn.
Sa pagkakarun kay nagpadayon pa ang Talisay City Fire Department sa pag-determinar sa sinugdanan ug hinungdan sa maong sunog.
