CEBU – Mukabat sa dul-an 3 milyones ka pesos ang kantidad sa shabu nga nakuha sa kapulisan sa buybust operation sa Sitio Lahing-Lahing II, Barangay Mabolo, dakbayan sa Sugbo.
Giila ang nasikup nga subject nga si Marvin Saberon alyas Ogis, 32 anyus ug residente sa nahisgutang lugar.
Gipadayag ni Police Corporal Alsendor Sueco sa City Intelligence Branch nga usa ka high value target si Saberon kung diin dugay na kini sa maong iligal nga aktibidad ug nagagikan pa sa amo niini ang mga nakuha nga shabu.
Giingung magpahigayun ang kapulisan ug validation sa mga gibutyag sa subject, una ipahigayun ang follow-up operation.
Nakuha sa kapulisan ang 430 grams nga low-grade brown nga shabu nga nagkantidad ug P2.9 million.
Gipasakaan usab karung adlawa si Sabero sa paglapas sa Republic Act 9165 o Comprehensive Dangerous Drugs Act of 2002.
