CEBU CITY– Muabot sa 3 million pesos ang kantidad sa iligal nga drogas ang nasakmit sa San Nicolas, Cebu PNP atol sa gipahigayong buybust operation sa may Brgy. Calamba, dakbayan sa Sugbo.
Sikop ang tigpayuhot og shabu nga giilang si Dennis Denuyo, 36-anyos ug residente sa naasoy nga lugar.
Matud ni Police Major Kenneth Albotra, ang hepe sa San Nicolas PNP nga naa sa sulod sa Cebu City Jail ang amo matud pa sa nasikop nga subject. Kini usab karon ang ilang giimbestigaran.
Gibana-banang mutimbang sa 400 grams ang nasakmit nga shabu kung diin gigamitan pa kini og 10,000 pesos drug bust money sa mga pulis.
Samtang, muabo usab sa usa ka kilong marijuana ang nakuha sa mga otoridad sa lahi nga operasyon gikan sa magti-ayo’ng giila nga sila Orlando Inoc ug Merlinda Inoc, residente saSitio Lawis, Brgy. Pasil.
Mag-atubang sa kasong kalapasan sa RA 9165 o Comprehensive Dangerous Drugs Act ang mga dinakpan.
