Nakasakmit ang mga miyembro sa Bureau of Customs – Port of Clark sa Pampanga og gibanabana nga P30.78 milyon nga kantidad sa ilegal nga droga nga gitago sulod sa usa ka cable spool.
Sumala sa BOC, ang kargamento gideklarar nga “solar cables” gikan sa Netherlands ug padulong unta sa Pasig City.
Sa mas detalyadong pagsusi, nadiskobrehan nga adunay unom ka plastik nga pouch nga gitago sulod sa kable, nga adunay gibug-aton nga sobra sa unom ka kilo.
Gikumpirma sa laboratoryo nga kini adunay sulod nga ketamine, usa ka klase sa ilegal nga droga.
Ang pagkadakop ug pag-seize gihimo human gi-isyu ang Warrant of Seizure and Detention alang sa kargamento nga supak sa Republic Act No. 10863 (Customs Modernization and Tariff Act) ug R.A. No. 9165 (Comprehensive Dangerous Drugs Act of 2002).
