Hulagway gikan sa PDEA-7 
Hulagway gikan sa PDEA-7
GIPANGITA sa kapulisan ang mga cultivators kinsa nga nag-atiman sa halapad nga marijuana plantation sa Sitio Quo, Brgy. Gaas, Balamban, Cebu nga miresulta sa pagkalangkat sa mga tanom niini nga nagkantidad og 32 million pesos.
Gisunog sa mga sakop sa PNP sa Sugbo ug 47th Infantry Division sa AFP ang 80,000 ka mga stalks sa fully-grown marijuana plants.
Matud ni Police Chief Master Sergeant Phillip Acaso sa Balamban Police Station nga miikyas atol sa operasyon ang mga cultivators nga silang Tisi Palando, Rodrigo Cabalis ug Lordi Pragosa, nga parehong residente sa nahisgutang barangay.
Dugang pa ni Acaso nga napahigayon ang maong operasyon human makadawat og sumbong gikan sa usa ka mulupyo mahitungod sa halapad nga marijuana plantation.
Kung madakpan ang tulo, mag-atubang sila og kasong kalapasan sa Section 16 sa Comprehensive Dangerous Drugs Act.
