CEBU CITY-Magtingkagol sa prisohan ang usa ka 35-anyos nga lalaki human nakuhaan og gituohang shabu nga mobalor og P34,000 atol sa buy-bust operation sa Barangay T. Padilla, dakbayan sa Sugbo niadtong sayo sa buntag niadtong Agosto 19, 2023.
Niila si Police Major Henry S. Orbiso, hepe sa Parian Police Station sa Cebu City Police Office sa dinakpan nga si Rodel Rivera sa Barangay San Roque, dakbayan sa Sugbo.
Matud pa Police Major Orbiso nga si Rivera nakuhaan og unom ka sachet nga dunay sulod nga gituohang shabu nga mobalor og P34,000.
Dugang niini nga gihimo ang buy-bust operation batok kang Rivera alas 12:15 sa udto karong adlawa, Agosto 19 ug ang buy-bust usa ka joint operation sa Philippine Drug Enforcement Agency sa Central Visayas.
Gihulagway usab niya nga si Rivera usa ka street level individual (SLI) o street level dealer (SLD).
Gitanggong ang suspek nga si Rivera sa detention cell sa Parian Police Station o Police Station 1 samtang nagpaabot sa pagpasaka og kaso sa ilegal nga drugas.
