-- ADVERTISEMENT --
CEBU CITY-Di mominos sa P340,000 nga kantidad sa shabu ang nasakmit gikan sa 20 anyos nga suspek sa buybust operation sa mga sakop sa Philippine Drug Enforcement Agency-7 ug Philippine National Police sa Barangay Pulangbato, dakbayan sa Sugbo.
Giila ang nasikop atol sa operasyon nga si Daniel Sabanpan samtang ang iyang kauban ug kinsa subject sa operasyon nakalingkawas sa pagkasikop.
Nasakmit sa mga operatiba ang dose (12) ka pakete sa gituohang shabu nga motimbang og 50 gramos.
Mag-atubang si Sabanpan og kasong kalapasan sa Sections 5 ug 11, Article II sa RA 9165.
