P500, umento sa mga kawani sa Clean and Green sa Dakbayan sa Mandaue

MANDAUE CITY,CEBU-Nakadawat og usbaw nga P500 ang mga kawani sa clean and green sa kabarangayan sa kagamhanan sa Siyudad sa Mandaue, kini human nga nagduso si Konsehal Jennifer Delmar sa resolusyon nga ilang gituki atol sa regular session nga ilang gipahigayon kagahapon.

Kung diin si konsehal Jen Del Mar nagpasar og ordinansa sa pag-umento sa ilahang mga honorarium, giaprobahan usab ang maong resolusyon, kon mapirmahan na kini ni Mayor Jonas Cortes madawat sa mga kawani sa clean and green ang P4,500 nga honorarium sa matag bulan gikan sa 4,000-pesos.

Kini nga lakang kay gipahaom usab sa nagkamahal nga mga palaliton aron paghatag usab og mas maasyu nga panginabuhi sa mga personahe.

Gilaraw sa syudad ang paghatag usab kanila og ayuda.