Hingpit nang giaprobahan sa Bicameral Conference Committee ang P6.793 trilyon nga nasudnong badyet para sa 2026.
Gipirmahan sa mga representante gikan sa Senado ug sa Kamara ang bicameral report human sa mga deliberasyon sa PICC, Pasay City, ug sumala ni House Appropriations Chair Mikaela Suansing, ang badyet nagpunting sa pagpalambo sa human capital ug transparency.
Gipunting usab ni Senate Finance Chair Sherwin “Win” Gatchalian nga ang budget adunay dakong alokasyon para sa edukasyon, panglawas, ug agrikultura.
Gani kini ang unang higayon nga ang bicameral deliberations gihimo sa publiko pinaagi sa livestream, nga matod pa kini nagtumong aron malikayan ang mga anomaliya ug madugangan ang pagsalig sa publiko sa proseso sa badyet.
Samtang ang Senado ug ang Kamara mo-ratify sa bicameral report karong adlawa, Disyembre 29, ingun man nga gilauman nga pirmahan ni President Ferdinand Marcos Jr. ang General Appropriations Act sa sayong bahin sa Enero sunod tuig.
