P68 milyones nga kantidad sa shabu, nasakmit sa hiniusang opersayon sa Barangay Carreta, dakbayan sa Sugbo

CEBU CITY-Mokabat sa P68 milyones ang kantidad sa gituohang shabu nga motimbang og 10 ka kilo ang nasakmit sa gipahigayon nga hiniusang buy-bust operation sa Regional Police Drug Enforcement Unit (RPDEU)-7, PNP Drug Enforcement Group, Regional Intelligence Unit – 7, ug ang Philippine Drug Enforcement Agency-7 sa Ludo Memorial Park sa Barangay Carreta, dakbayan sa Sugbo pasado alas 8 sa gabii, Pebrero 10, 2024.

Giila sa mga otoridad ang nadakpan nga si Elmer Bayuga, 31-anyos nga lumad nga taga Agusan del Norte.

Nasayran nga ang mga ginadiling drogas, nakuha sa mga kapulisan nga anaa sa iyang gidala nga ‘tea bag’ ug ang uban giputos pa og mga packaging tape sulod sa backpack.