Nagsugod na sa ilang preliminary ug advanced nga negosasyon ang kampo sa Eight-Division World Champion Manny Pacquiao alang sa usag-usa ka potensyal nga sangka batok sa wala pa mapildi nga four-division world champion Shakur Stevenson sa dili pa matapos ang tuig 2026.
Mihimo niini nga lakang ang kampo ni Pacquiao human opisyal nga gikansela ug gibalhin sa Enero 2027 ang dugay nang gipaabot nga rematch batok kang Floyd Mayweather Jr.
Sumala sa mga taho gikan sa MP Promotions, padayon pang gipagawas ug gitun-an sa duha ka bahin ang mga importanteng detalye sa maong sangka, lakip na ang eksaktong timbang o weight class nga ilang pagalabanan sa ring.
Si Stevenson, nga kasamtangang naghawid sa mga korona sa WBO ug The Ring sa junior welterweight class, kay ilado kaayo sa iyang paspas nga lihok, lig-on nga footwork, ug talagsaong depensa.
Kung madayon kini, mahimo kining usa ka kulbahinam nga kapitulo sa kasaysayan sa boxing, diin mag-abot ang bantugang legasiya sa 47-anyos nga Hall of Famer ug ang kusog nga nagsaka nga 29-anyos nga Amerikanong kampiyon nga wala pa sukad mapildi.
Bisan pa man nga wala pa’y pormal o opisyal nga kontrata nga napirmahan, malaumon kaayo ang mga boxing fan nga madayon ang panag-away sa duha sa dili pa matapos ang tuig.
