Masaligon si House prosecutor Atty. Lorna Kapunan nga ang dayag nga pag-acknowledge ni Davao City Mayor Sebastian “Baste” Duterte sa mga kontrata sa Gencorp Industries Inc. mahimong isipon nga direktang pag-angkon sa “conflict of interest.”
Gipunting sa abogado ang mga kontrata nga nagkantidad og P33.3 milyon nga gihuptan sa Gencorp Industries Inc. uban sa Siyudad sa Davao, nga karon gipangulohan sa anak sa kanhi presidente.
Una nang giangkon kini ni Mayor Baste, diin iyang namatikdan nga gisusi sa lokal nga kagamhanan ang mga kontrata sa Gencorp ug nasuta nga ang kinatibuk-ang kantidad niini anaa sa P33.263 milyon, ug ang maong kantidad naglangkob sa 19 ka managlahing kontrata.
Matod ni Atty. Kapunan, ang pahayag ni Mayor Baste mahimong tan-awon isip pag-angkon sa “conflict of interest” nga naglambigit sa Bise Presidente, kinsa giingong kabahin sa operasyon sa kompanya.
Ang Gencorp usa sa mga kompanya nga nalista sa Statement of Assets, Liabilities, and Net Worth (SALN) sa Bise Presidente, diin gani, una nang mipahayag si Mayor Baste nga wala siya masayod sa giingong interes ni VP Sara sa maong kompan
