Posible pang mosaka sa Alert level 4, ang pagbuga og abo ug lava sa Bulkang Mayon, kung magpadayon pa ang pag-alburoto sa maong bulkan sa Albay.
Kini ang gibutyag ni Dr. Teresito Bacolcol, ang National Director, sa Philippine Institute of Volcanology and Seismology (PHIVOLCS), nga posible pa nga mosaka ngadto sa Alert level 4 ang pagbuga sa Mayon Volcano, kung magpadayon ang pag-alburoto niini.
Gikatahong delikado ang mga mga ash fall o og kusog nga pagdahili sa init nga gas ug bato kon pyroclastic density current (uson) sa habagatan-kasadpang bahin niini.
Tungod sa maong hulga, pipila sa mga lugar sa Albay ang nakasinati og bag-ong pag-uwan-uwan sa bagang abo o ash fall
Samtang nagpabilin pa gihapon ang bulkan sa Alert Level 3 sumala sa DOST-PHIVOLCS tungod kay nagpadayon ang pagsaka sa magma ug delikado gihapon ang kalit nga pagbuto niini.
Pipila sa mga lugar nga grabeng naapektuhan sa baga nga abo gikan sa bulkan mao ang mga lungsod sa Camalig, Guinobatan, ug siyudad sa Ligao.
Tungod sa kusog nga Uson, miabot og halos 4 kilometros sa Mis-sy Gully, gipatuman ang mandatory evacuation alang sa mga residente nga doul sa lugar
Kapin na sa 5,000 ka mga lumulupyo ang kasamtangang anaa sa mga evacuation centers tungod sa padayung pag-alburoto sa Bulkang Mayon.
Gibawal usab sa PHIVOLCS ang pagsulod sa 6 kilometer Permanent Danger Zone, ug gipahinumdoman ang mga apektadong residente sa makanunayong pagsul-ob og facemask o basang panapton aron panalipod sa makadaot nga abo.
