Aprobado na sa konseho sa Kagamhanang Dakbayan sa Sugbo ang resolusyon sa pagdili o pag-ban sa advertisements sa online gambling sa syudad.
Kini ang gipangamahan nga resolusyon ni Cebu City Councilor Joel Garganera nga nagtinguha sa pagpaminus sa epekto sa sugal sa kinabag-an sa publiko.
Atol sa eksklusibong pakighinabi niini sa Bombo Radyo Cebu News Team, gisaysay ni Garganera nga dugay nang napamatud-an ang bati nga mga bunga nga hatod sa sugal ilabi na sa mga kabus sa panalapi nga mas daling maka-access sa gambling apps pinaagi sa online.
Gani tungod sa kadali ma-access niini kay pwede ra kining sa mga iya-iya nga mga smartphones diin mismong mga bata kay makamaong muapil niini tungod sa kahinit sa precuations nga gibutang sa mga gambling apps.
Ingon man nga suportado sa konsehal ang mga iduso nga balaod sa Kongreso sa nasudnong pagbawal na sa advertisements sa online gambling aron pagprotektar batok sa propaganda sa pagsugal.
