CBEU CITY-Nagpadayong nagmalinawon ang pag-obserbar sa Kalag-kalag katong tuig 2024 diri karon sa dakbayan sa Sugbo matod pa sa kapulisan sa dakabayan.
Kini nga impormasyon ang giluwat ni Police Colonel Antonietto Cañete, ang City Director sa Cebu City Police Office sa eksklusibong pakighinabi sa Bombo Newsteam niini nga matod pa sa ilang nahipos nga datos sa day-to-day assessment sukad niatong Oktubre 31 hangtod sa pagkakaron kay walay natala nga mga dagkong krimen o kapakyas sa kalinaw ang ilang namatyagan.
Dugang pa nga gawas sa special deployment of police units sa nahitabong Kalag-kalag, nagpadayon man gihapon ang tahas sa ubang units niini sama sa Drug Enforcement Units ug Wanted Persons tracking team.
Ingon man nga gipanglantawan ni Col. Cañete sa padayong pagpakatap sa mga sakop sa kapulisan sa mga dakong kadalanan sa dakbayan tungod dili mahuman ang tahas niini sa kalinaw sa pagsugat sa Pasko ug sa buwan sa Enero sa bag-ong tuig ug kapistahan sa Sinulog.
Awhag sa opisyal nga gawas sa kalihukan sa mando sa mga kapulisan sa pagtugis sa kriminalidad kay nanghinaot kini sa kooperasyon sa publiko sulod sa 11-ka mga istasyon sa kapulisan ug presensya niini sa online.
