Gisaway karon ang gihimo nga lakang ni US President Joe Biden sa paghatag og ‘pardon’ sa iyang anak nga si Hunter Biden.
Kini human ang mas bata nga si Biden nakonbikto sa duha ka managlahing kaso sa federal court karong tuiga.
Sa iyang pahayag, gisaway ni Biden ang pagtratar sa iyang anak, labi na sa mga kasong felony.
Nag-atubang si Hunter Biden og mga kaso nga may kalabutan sa paghimo og bakak nga pahayag sa federal nga porma sa armas sa 2018 ug pagpanag-iya sa pusil.
Samtang gipasaka usab ang kaso batok kaniya tungod sa paggamit og ginadiling substance.
Giinsister sa mga kritiko nga kuwang sa delicadeza ang pagpasaylo sa presidente sa iyang kaugalingong anak.
Apan, adunay uban gikan sa ligal nga propesyon nga giila kini nga usa ka maalamon nga lakang, hilabi na nga si Biden paingon na mokanaog isip presidente sa Amerika.
