CENTRAL VISAYAS- Walay nakita nga kaayuhan ang Secretary General sa Sanlakas Cebu sa pag-realign sa P36 bilyones sa flood control projects funds ngadto sa mga programa sa Department of Social Welfare and Development (DSWD).
Kini ang gipadayag ni Teody Navea, ang Secretary General sa Sanlakas Cebu sa gihimo nga pag-anunsyo ni President Ferdinand R. Marcos Jr. atol sa pakigkauban niini sa mga piniling benepisyaryo sa Pantawid Pamilyang Pilipino Program (4Ps) sa Malacañang Palace sa Manila, usa ka kalihokan nga gipasiugdahan sa DSWD.
Matud ni Navea nga ang maong lakang, dili klaro ug estratehiya lang aron limbungan ang katawhan sa dili tinuod nga solusyon sa problema.
Ingon man nga usa kini ka pamaagi aron magpadayon ang ilang pagpangurap sa pundo sa katawhan.
Sa pikas bahin, gikuhaan usab kini og habig kabahin sa posibleng ilakip ba sa ilang panawagan ang judicial system kon gani molungtad pa og dugay ang proseso sa pagsang-at sa mga kaso batok sa nagpaluyo sa mga anomalosong flood control projects.
Matud niini nga wala gi-practice sa grupong Sanlakas ang maong panawagan nga gamiton ang konstitusyon ug judiciary aron konsentihon ang mga nahitabo sa dagan sa imbistigasyon sa init nga hisgutanan karon sa halapad nga kurapsyon sa nasud.
