Nagtigom ang mga kaalyado sa Ukraine sa Paris alang sa mga mahinungdanong panagsulti nga makatabang sa seguridad sa nasud kung makab-ot ang usa ka ceasefire sa Russia.
Apan ang progreso nahimong dili sigurado gumikan nabalhin ang pukos sa administrasyong Trump ngadto sa Venezuela.
Niadtong Disyembre 31, ang Presidente sa Pransya nga si Emmanuel Macron miingon nga ang mga kaalyado mohimo og mga konkreto nga pasalig aron mapanalipdan ang Ukraine ug makab-ot ang usa ka makatarunganon ug malungtarong kalinaw.
Gitambungan usab ang miting sa 35 ka mga opisyal, lakip ang 27 ka mga pangu sa estado, samtang ang US girepresentahan sa mga embahador nga sila si Steve Witkoff ug Jared Kushner, imbes nga si Secretary of State Marco Rubio, kinsa nag-usab sa iyang plano tungod sa Venezuela.
Nagtumong usab ng panagtapok sa pagpangita og mga konkreto nga lakang sa lima ka mga prayoridad: pagmonitor sa ceasefire; suporta alang sa armadong pwersa sa Ukraine; pagpadala sa usa ka multinasyonal nga pwersa; mga garantiya batok sa posible nga bag-ong agresyon sa Russia; ug dugay nga kooperasyon sa depensa.
Apan dili klaro kung kini nga mga tumong makab-ot samtang ang US nabalaka sa aftermath sa kudeta sa Venezuela.
Gusto sa Ukraine og lig-on nga garantiya sa militar ug uban pang suporta gikan sa Washington sa dili pa makadawat og mga pasalig gikan sa ubang mga kaalyado, tungod kay nabalaka kini nga magamit sa Russia ang ceasefire aron maglunsad og laing pag-atake.
