CEBU – Mahimo na nga ma-accommodate ang mga pasahero sulod sa pipila ka Public Utility Vehicles (PUVs) nga nagbiyahe sa mga lugar nga ubos sa alert level 1, matod sa Land Transportation Franchising and Regulatory Board (LTFRB).
Kini usab ang gibutyag ni LTFRB 7 Director Eduardo Montealto Jr., kini subay sa Base sa Memorandum Circular No. 2022-070, Public Utility Buses (PUBs) ug Modern Public Utility Jeepneys (MPUJ) Class 2 tugotan nga makabarog nga mga pasahero ubos sa maong mga kondisyon.
Dugang pa ni Montealto nga ang mga modern jeep, gitugutan nga adunay magbarug nga 5 kabook, samtang ang mga buses 10-15 ka pasahero, apan gihimug-atan sa director nga wala gitugutan ang mga provincial buses nga adunay standing nga mga pasahero, kini gumikan kay dili na makaya sa mga indibidwal nga magbarug og ing-ana kalayo.
Kini nga polisiya subay sa mando sa Department of Transportation (DOTr) aron mapahimuslan ang mga luna sa maong mga pampublikong sakyanan nga dili makalapas sa public health safety protocols.
Dugang pa sa ahensya, ang mga PUV drivers ug operators kinahanglang mosunod kanunay sa mga polisiya ug guidelines sa ahensya, gumikan kay aduna silay random check-up sa mga CCTV’s.
