CEBU CITY — Gihingusgan ni Cebu Provincial Governor Gwendolyn Garcia nga walay “Age Restriction” ngadto sa tanang mga turista nga mobisita nga bantug nga tourist spots sa probinsya sa Sugbo.
Kini ang gibutyag sa Goberndora atul sa seremonya sa pormal nga pagpabalik sa turismo sa Isla sa Bantayan o ang “Paradise of the North”.
Matud sa gobernadora nga dili kinahanglang lisud-lisuron ang mga sugboanon sa kadaghan sa mga dokumento o resikitos nga pangayuon.
Ipakita lang sa mga guest ang ilang confirmed booking sa mga hotel ug resort sa ilabi na kung larga gikan sa mga pantalan.
Gumikan kini sa mga yangungo sa mga operators nga magduha-duha ang ilang mga prospective guest ug customer tungod sa ka strikto nga protokols apil na niini ang mga medical certificates.
Pinaagi sa mga confirmed bookings, maka-konsidera usab kini nga two-ticket padung sa mga tourism site.
Kinahanglang pamatud-an usab sa mga turista nga dili sila Locally Stranded Individuals (LSIs), Authorized Persons Outside of Residence (APOR), ug Overseas Filipino Workers (OFWs) o repatriated Filipinos ug seafarers.
Pagtataw pa ni Gov. Garcia nga tanan sugboanon mamahimong mobisita sa bisan asa nga tourism site tungod gipa-ubos na sa Modified General Community Quarantine ang probinsya. (report by Bombo Eric Amaro/ekp/gn)
