CEBU CITY-Wala matud pay mahimo ang pangulo sa PROBE nga si Racquel Arce kung i-clear na ang sidewalk sa Calamba cemetery sa dili pa muabot ang Kalag-kalag.
Kini human nga mihangyo ang mga manindahay sa naasoy nga sam-ang nga lugwayan pa unta ang ilang pagpaninda hangtud sa kalag-kalag aron nga makaginansya una sila og dako.
Matud usab ni Arce nga istoryaan usa nila kini kauban ang DPWH apan angayan nga magpakita usab og kausaban ang mga vendors nga duna usab silay gihimo. Kini tungod kay hapit wala namay malakwan ang mga katawhan tungo ay ila na nga gi-okopar ang dalan.
Usa na niini nga gitumbok ni Arce ang nagpa car wash sa maong lugar nga sa side walk himoon ug naka-obstruct sa dalan. Dako matud pa kini nga kalapasan.
Hayan nanawagan usab ang pangulo sa Probe sa publiko nga dili musuporta niining mga muryo muryo nga car wash sanglit dili kini maoy sakto.
Kung wala matud pa’y directive gikan sa mayor, padayon gyud nila kining hawanan sa wala pay kalag-kalag.
