Gitakda sa Sandiganbayan ang pagdungog sa nahibiling kaso sa graft ni Senador Jinggoy Estrada nga may kalabotan sa giingong pagbalhin sa kapin P200 milyon ngadto sa pork barrel funds sa Marso 10 ug Abril 18.
Kini human ang husay nga gikatakda sa Huwebes sa buntag gi-postpone human ang duha ka kaubang akusado ni Estrada mihangyo nga i-waive ang ilang cross-examination sa abogado sa Senador.
Subay sa balaod, ang cross-examination gihimo aron masulayan ang kamatuoran sa mga pahayag sa mga saksi pinaagi sa direktang pagsusi o pagpangutana.
Sa laing bahin, ang korte sa anti-graft mitugot sa mosyon sa mga akusado nga i-reschedule ang pagdungog sa Marso ug Abril.
Mahinumduman, niadtong Oktubre 1, gibasura sa Sandiganbayan ang mosyon ni Estrada nga ibasura ang iyang nahibiling kaso sa graft tungod sa kakulang sa merito.
Niadtong Enero 2024, si Estrada gi-abswelto sa kasong plunder apan nakonbikto sa 1 count direct bribery ug duha ka ihap sa indirect bribery. Apan, gibaliktad sa korte ang desisyon niadtong Agosto 2024 tungod sa kakulang sa ebidensya.
