Nag-agad lang sa Department of Justice (DOJ) kon himuon ba nga state witness si kanhi House Speaker Ferdinand Martin Romualdez.
Matod ni Palace Press Officer USec. Claire Castro, depende kini sa testimonya sa kanhi Speaker ug ang Department of Justice maoy morekomendar ngadto sa korte kon kwalipikado ba siya nga mahimong state witness.
Sa pagkakaron, wala pa mosulti ang Palasyo kon mahimo ba siyang state witness o dili.
Kagahapong adlawa, miatubang si Romualdez sa Independent Commission for Infrastructure, ug misaad nga makigtambayayong sa imbestigasyon kalabot sa kagubot sa flood control fund.
Bisan og dili siya sakop sa bicameral conference committee, nitumaw ang posibilidad nga mahimo siyang state witness.
Gipasiugda ni Romualdez nga ang iyang pagtambong sa ICI kabahin sa iyang pasalig sa transparency ug accountability, ug ang iyang tumong mao ang pagtabang sa paspas ug patas nga imbestigasyon.
