CEBU CITY-Wala pa gipatuman ang automated nga pagkuha og lisensya sa dakbayan sa Sugbo.
Kini ang gibutyag sa Regional Director sa Land Transportation Office (LTO-7) nga si Victor Caindec.
Matud ni Caindec nga sa pagkakaron mao lang gihapon ang proseso sa pagkuha ug lisensya. Apan gitataw niini nga mahg nga automated gihapon ang pagkuha og lisensya gumikan kay isulod man kini sa machine inig kahuman sa pag ‘take’ og exam sa LTO.
Gani gi-asoy niini nga og di kahibaw mu-shade ang ni-take sa exam mahagbong gyud kini.Dason pa sa regional director nga ang exam sa LTO susama lang sa pag-drive kung diin ug di kahibaw mo sunod sa patakaran, mahagbong ug madakpan gyud ang driver
Subay niini, ang automated nga pagkuha og lisensya, katoyuan kini sa gobyerno kung diin mismo ang Presidente nibutyag nga gikinahanglang adunay sakto nga IQ ang mga drayber sanglit ang pag-drive usa man ka prebilihiyo.
Ang LTO exam adunay 400-500 ka mga pangutana ug ang computer na ang mo-generate sa ihatag nga exam. Nasuta nga 40 lang ka mga pangutana ang kuhaon samtang 30 ang passing score niini. (Lahvi Quiñones)
