Gibutyag sa abogado ni kanhi Negros Oriental Rep Arnolfo ‘Arnie’ Teves Jr., nga wala pa siya makagawas sa tambalanan partikular na sa Philippine General Hospital.
Matod ni Atty. Ferdinand Topacio, ang kanhi kongresista anaa pa sa tambalanan bisan pa man nga una nang gikataho nga posibleng makagawas siya gahapong adlawa.
Human sa dakong operasyon nga gitawag og appendectomy, gihatagan og clearance ang kanhi kongresista aron ma-discharge sa Philippine General Hospital.
Tungod niini, ibalik ang kanhi kongresista sa prisohan sa Bureau of Jail Management and Penology’s Annex 2 sa Bicutan, Taguig City.
Apan, ang iyang kampo niinsistir nga ang iyang medikal nga kondisyon kinahanglang padayon nga bantayan sa mga propesyonal.
Samtang nag-atubang pa siya og daghang kaso tungod sa iyang pagkalambigit sa pagpatay ug uban pang krimen. | Bombo Nathaniel Sandoval
