Libre na ang pagpa-dialysis alang sa mga residente sa Dakbayan sa Sugbo, nga ipahimutang sa Barangay Talamban ug Barangay Guadalupe, diin gipirmahan kagahapong adlawa, Agusto 29, 2025 ang Memorandum of Agreement, tali sa mga naasuyng barangay ug sa JL Dialmed Trading Co., nga gipangulohan ni Jefferlyx O. Natividad, sa buhatan ni Mayor Nestor Archival.
Lakip usab sa mitambong sa maong kalihukan si Vice Mayor Tomas Osmeña.
Diin sugdan na usab karong adlawa sa JL Dialmed Trading Co. ang pagpa-renovate sa mga lugar diin ibutang ang mga dialysis machines, ug gikatakda nga mahuman kini sa dili pa matapos ang buwan.
Ipahimutang ang dialysis center, sa 3rd floor sa Barangay Talamban Health Center, samtang, ipahimutang usab ang usa sa building kilid sa Guadalupe Barangay Hall.
Naghinaot usab si Mayor Nestor Archival nga magpadayon ang health programs sa dakbayan aron mas daghan pa ang makapahimus niini.
Lakip usab sa mitambong sa maong kalihukan si Vice Mayor Tomas Osmeña, ug nakisaksi usab sa MOA signing silang Guadalupe Barangay Captain Apol Enriquez ug Talamban Barangay Captain Dario Arcilla.
