Gipahayag ni Senador Risa Hontiveros nga adunay mga indikasyon nga ang pagpamusil sa San Jose National High School sa Tacloban City mahimong naimpluwensyahan sa usa ka internasyonal nga grupo.
Atol sa hearing sa Senate Committee on Women, Children, Family Relations and Gender Equality, karung adlawa Hulyo 1, 2026, giingon ni Hontiveros nga gisusi sa komite ang posibleng koneksyon sa maong insidente ngadto sa gitawag nga “764 Network,” usa ka grupo nga giingong naggikan sa Texas, Estados Unidos.
Sumala sa mga nahisgutan sa hearing, ang maong grupo giakusahan sa pag-target sa mga mahuyang nga kabatan-onan pinaagi sa internet, ilabina pinaagi sa chat functions sa online gaming platforms diin sila nagapangita og mga biktima.
Gipasabot nga ang pamaagi sa grupo naglakip sa online grooming, pag-impluwensya, ug pag-radicalize sa mga menor de edad aron mahimo silang moapil o mosundog sa mga bayolenteng aksyon.
Nagpadayon ang imbestigasyon sa mga awtoridad aron matino ang tinuod nga hinungdan ug ang posibleng papel sa maong grupo sa insidente.
