Pagpang-apod apod sa financial assistance alang sa mga senior citizens nakamugnag kahasol

CEBU – Nakamugna ug kahasol sa pipila ka mga senior citizen ang pagpang-apud-apud sa ilahang cash assistance.

Gisaysay ni Carmelita Rabandaban, nga gisugo kini sa iyahang ‘first cousin’ nga taga Barangay Guadalupe nga mao ang mukuha sa cash assistance gumikan kay dili na kini makabarug.

Matud pa, dala niini ang authorization letter apan iyahang reklamo nga gitulod-tulod kini sa barangay ug sa City Hall sa pag-claim sa assistance.

Giingong pag-abot niini sa City Hall kay gipa-adto kini sa barangay, apan pag-abot usab sa barangay, giingong walay pagador.

Nasayran nga ang mga senior citizen nga dili makakuha sa ilahang cash assistance sa barangay kay hatagan ug 10 working days sa pag-claim niini sa City Hall.