Gimonitor sa Philippine Navy ang giingong pagpangubkob sa mga tropang Vietnam sa West Philippine Sea.
Kini ang gikumpirmar sa tigpamaba sa Phil Navy alang sa West Philippine Sea Commodore Roy Vincent Trinidad diin ang Department of Foreign Affairs (DFA) ang nanguna sa pagmonitor sa gihimo sa Vietnam.
Sumala ni Trinidad, nga ang Vietnam dugay nang nagpahigayon og dredging operations sa pipila ka mga reef duol sa ilang teritoryo, isip kabahin sa maritime conflict sa tibuok West Phil Sea.
Basi sa datos nga gihuptan sa Phil Navy, gibanabana nga nabawi sa Vietnam ang 280 ka ektarya sa ilang giangkon nga teritoryo sa WPS, dungan sa padayong pagpalapad sa pipila ka reef duol sa ilang nasod.
Nagtuo ang opisyal nga ang Vietnam ang adunay pinakadako nga coverage sa WPS, gikan sa pito ka mga nasud nga nakigkompetensya, lakip ang Pilipinas ug China.
Nasayran usab nga lakip sa giangkon niini nga nasud mao ang Discovery Great Reef, Namyit Island, Pearson Reef, ug uban pa.
Bisan pa niini, giasoy sa opisyal nga maayo ang relasyon sa Pilipinas ug Vietnam ilabi na nga gikonsiderar ang aksyon sa duha.
