Gikompirmar ni National Bureau of Investigation Director Jaime B. Santiago nga nipasaka og reklamo ang NBI batok sa mga tigpasiugda sa peke nga ‘polvoron video’ ni Presidente Ferdinand Marcos Jr.
Diin ang maong kadagkoan sa NBI mismo mipaambit nga ang maong bureau nipasaka na og kaso sa Department of Justice.
Kahinumduman nga nag-viral ang giingong kontrobersyal nga polvoron video sa Presidente nga hugot nga gikumpirmar sa gobyerno nga gimaniobra ug gigama.
Subay sa mga pamahayag sa Malacañang, diin ila na kining gitugyan sa pakigtambayayong sa Department of Justice, ang pagpasaka og reklamo batok sa mga nagpaluyo sa pagkaylap sa video.
Matod ni NBI Director Jaime Santiago, gipaabot nga mopagawas og resolusyon ang Department of Justice aron madeterminar ang desisyon sa kaso nga ilang gipasaka.
