CEBU – Ayaw katingala kung ang imong dentista dili malipayon kabahin sa pagpatusok sa imong dila o mga ngabil.
Kini gumikan nipasidaan ang usa ka baga-ong pagtuon nga makadaot kini sa imung ngipon ug lagos.
Gibuytyag ni Dr. Clemens Walter, usa ka propesor sa University Medicine Greifswald sa Germany, nga ilhang nakaplagan nga adunay mga deep pockets, gaps, receding ug bleeding sa gums ang mga indbidwal nga adunay oral piercing.
Gi-analisar ni Walter ug sa iyang mga kauban ang walo ka mga pagtuon nga naglakip sa 408 ka tawo nga adunay hiniusang 236 ka pagpatusok sa ngabil ug 236 ka pagpatusok sa dila.
Gikomparar sa mga pagtuon ang ngipon ug lagos kilid o tapad sa gitusokan ug sa ubang bahin sa baba.
Ug didto gitaho sa mga tigdukiduki nga 3 sa 5 ka pagtuon nagpakita nga adunay deep pockets palibot sa tongue piercings ug 3 sa 4 nga mas lapad nga gintang tali sa mga ngipon ug 2 sa 3 ang nakit-an nga nagdugo nga lagos.
