Gikalipay sa pipila ka mga opisyales sa barangay sa dakbayan sa Sugbo ang pagpirma na ni Presidente Ferdinand “Bongbong” Marcos Jr. sa balaudnong nag-postpone sa Barangay and Sangguniang Kabataan Elections (BSKE) gikan sa orihinal nga schedule sa Disyembre 2025 ngadto sa Nobyembre 2026.
Kini ang gipamahayag ni Cebu City Ex-Officio Councilor ug ABC President Franklin Ong atol sa eksklusibong pakighinabi sa Bombo Radyo Cebu Newsteam niini nga daw saysay pa niya nga gikalipay kini nila sa iyang mga kaubanang mga opisyal nga nagdumala sa mga barangay sa dakbayan sa Sugbo.
Sumala pa niini nga nga ang maong balaudnon kay magtiwas sa tulo ka tuig nga pagdumala sa mga opisyales sa barangay nga nabotaran niadtong Oktubre 2023.
Gani saysay pa niini nga dakong bintaha sab ang paghimo og upat ka tuig na ang termino sa mga opisyales sa barangay aron maluntaron na ang ilang pagpatuman sa mga proyekto ug programa sa ilang mga lokalidad.
Sa laing bahin, mipahayag sab si Atty. Francisco Pobe, ang Regional Director sa Comelec Central Visayas atol sa eksklusibong pakighinabi sa Bombo Radyo Cebu Newsteam niini nga ang ilang pagpangandam sa buhatan sa orihinal nga gikatakda nga piniliay sa barangay karon untang Disyembre kay dili mausik o posibleng malugwayan pa ang ilang panahon sa rehistrasyon.
