Gipasalig sa Department of Health (DOH) nga walay angay kabalak-an sa nisaka nga kaso sa Covid-19.
Matud pa ni Health Secretary Ted Herbosa, ang covid 19 usa ka sip-on nga kinahanglan tambalan ug tamabalan sa saktong pamaagi.
Dugang niini nga mas angayang kahadlokan ang atake sa kasingkasing, stroke ug diabetes tungod kay apil sila sa top ten killer disease sa nasod.
Ingon man nga tinuod nga adunay pagsaka sa ihap sa mga tawo nga nataptan sa covid ug adunay bag-ong flirt variant nga mikaylap sa Singapore, apan dili pa kini angay nga kabalak-an sa Pilipinas tungod padayon nila nga gimonitor ang sitwasyon.
Sa pagkakaron, si herbosa niingon nga dili na kinahanglan nga ang gobyerno magbutang og border control o magpatuman og travel ban sa mga turista gikan sa mga nasud nga adunay nagkadaghang kaso sa covid 19.
Dili na usab kinahanglan nga ipatuman ang mandatory masking o pag-obligar sa publiko nga magsul-ob og mask, hinoon siya miingon nga kini kinahanglan nga buhaton isip usa ka personal nga pag-amping.
