Cebu City-Sa nagsingabot nga pagobserba sa semana santa nagkadaiyang estorya sa milagro ug gikan sa ginoo ang mapaambit sa usa ka tawo.Sama na lamang sa nakahuman sa pagtungha nga si Erwin Macua,38 years old usa ka security guard sa St. Theresa’s College diin siya nagtungha ug nakahuman sa tabang na usab sa scholarship nga gihatag kaniya sa eskwelahan sa halos 20 tuig nga serbisyo.
Matud ni Macua nga ang lig-on nga pagsalig sa ginoo ang nahimo niyang pundasyon aron makapadayon siya sa pagtungha.
Aminado si Macua nga lisod alang kaniya ang pag-eskwela samtang nagtrabaho kini isip security guard diin duty siya gabie ug pagtungha ang iyang tagaan ug pagtagad sa buntag. Usahay makatulog siya sa klase apan gipugos niya nga kanunay nga magmata.
May mga kahigayunan nga daghang musaway kaniya sa iyang pagpursigi sa iyang pagtuon gumikan sa iyang pangedaron apan gibalewala niya kini.Dako niyang inspirasyon ang iyang pamilya.
Nigradwar si Macua niadtong Marso 25,2017 ug natapos ang kursong Bachelor of Elementary education major in General Education, Cum Laude ug magsugod na siya sa pagreview para sa licensure examination.
Karon nga motapos na ang klase sa halos tanan nga tunghaan mensahe niya sa tanan lakip na ang mga ginikanan nga sama niya nga dili himuong babag ang kalisod ug pangedaron aron makab-ot ang pangandoy sa kinabuhi ug kanunay lang mosalig sa Ginoo.
