Wala ikalimod sa Department of Agriculture (DA) nga nisaka og gamay ang presyo sa baboy dinhi sa nasud tungod sa epekto sa African Swine Fever.
Matod sa DA, atol sa ilang pagbisita sa merkado, ilang namatikdan ang epekto sa pagsaka sa presyo nunot sa paglugsong sa ASF.
Kahinomdoman nga gagikan sa kanhi P390 matag kilo sa baboy, P450 na ngadto sa P490 matag kilo.
Ang DA midugang nga gikan sa miaging 13 milyones ka mga baboy sa tibuok nasod sa wala pa ang ASF mius-os na ngadto sa 8.5 milyones na lang.
Aron matubag kini, matud nila nagplano sila nga magtukod og Food Terminal Incorporated (FTI) nga direktang mopalit og baboy sa mga tag-iya og baboy.
Naglaum usab ang DA nga aprobahan sa Food and Drugs Administration (FDA) ang commercial release sa bakuna batok sa ASF.(Bombo Irene Ardiente)
