Gikonsiderar sa Palasyo sa Malacañang ang pinakaulahing resulta sa survey nga nagpakita sa maayong kalamboan ang pagsaka sa ratings ni President Ferdinand Marcos Jr.
Matud pa ni Palace Press Officer Claire Castro, nagpasabot lamang kini nga nagkugi ang Presidente ubos sa iyang kasamtangang administrasyon.
Hinuon, matod sa Palasyo, si President Marcos Jr., dili yanong madani sa bisan unsang numero kay ang buot ug tumong niini, mabarugan ug matuman ang gitugyan nga katungdanan niini, kay sa pangatuarungan ni Castro, dili kinhanglan lamang nga mag-rely sa usa ka survey.
Basi sa pinakaulahing survey nga gihimo niadtong Hunyo 27 hangtod 30, si Marcos nakakuha og 25% nga approval rating sa ikaduhang quarter, samtang adunay 19% nga labaw sa niaging quarter, ug ang iyang disapproval rating nius-os ngadto sa 47% gikan sa 57%.
Nunot sa resulta sa maong survey, giklaro ni Castro nga ma-ana-a man sa ubos o taas ang rating sa Presidente, padayun gihapon kini nga motrabaho.|Bombo Irene Ardiente
