CEBU CITY – Gitawag nga usa ka welcome development ni Sen. Antonio Trillanes IV ang pagtangtang sa mga Liberal Party (LP) senators sa ilahang mga committee chairmanship.
Sa eksklusibo nga pakighinabi sa Bombo Radyo Cebu kang Sen. Trillanes gibutyag niini nga madugangan na ang mubantay sa lihok sa administrasyong Duterte.
Matud pa nga gihimong kaaway sa administrasyon ang mga senador nga kaniadto nagpakahilom lang.
Subay niini, gi- uyonan sa senador ang pamahayag ni Vice President Leni Robredo nga hakog sa gahum ang administrasyon kung diin gusto niini nga babagan ang mga oposisyon.
Gihimug-atan ni Trillanes nga gi-abuso na ni Presidente Rodrigo Duterte ang iyahang gahum kung diin mas daghan pa kini og napatay itandi sa pagtuman sa mga saad niini.
Samtang, gituohan usab niini nga usa ka pagmani-obra ang nahitabong pagtangtang sa chairmanship sa mga senador arun nga matabonan ang mga anomalya nga gibuhat sa administrasyon.
