Mibalos sa mga pag-atake sa mga airbase sa India ang nasod nga Pakistan human sa giingong pagpabuto sa mga missile gikan sa tulo ka mga airbase niini.
Sumala sa Pakistan Army, naigo nila ang daghang mga target sa India ug sa Kashmir nga gidumala sa kaatbang nga nasod.
Pipila sa mga target sa militar sa India nga giingong ilang naigo mao ang Brigade Headquarters KG Top, Field supply depot Uri, Artillery Gun Position Derangyari, BrahMos battery site Nagrota, Udhampur airfield, Pathankot airfield ug Suratgarh airfield.
Kadaghanan sa giingon nga mga lokasyon duol o sa de facto border nga nagbahin sa gikaaway nga rehiyon sa Kashmir tali sa New Delhi ug Islamabad.
Lakip sa mga airfield nga naa sa sulod sa undisputed border sa India mao ang Pathankot sa estado sa Punjab, ug Suratgarh sa estado sa Rajasthan.
Sumala sa militar sa Pakistan, naglunsad sila og usa ka “an eye for an eye” revenge nga nagtumong sa mga air bases sa India nga giingong gigamit sa paglunsad og mga missile batok sa Pakistan.
Sa pagkakaron, ang Indian Ministry of Defense ug ang Indian Air Force wala pa magkomento sa pangangkon sa Pakistan.
