Pakistan, nagpahigayon og halapad nga air-strike sa Afghanistan

Nagpahigayon ang Pakistan og sunod-sunod nga mga airstrike ngadto sa Afghanistan.

Sumala sa Taliban nga 18 ka tawo ang namatay, lakip ang mga babaye ug mga bata.

Nagtumong ang mga pag-atake sa pito ka mga kampo sa militante duol sa utlanan sa Pakistan ug Afghanistan.

Ang mga pag-atake giingon nga panimalos sa mga pagpamomba sa Taliban sa Pakistan sa miaging mga buwan.

Gikondenar sa Taliban ang mga pag-atake, nga nakapatay sa daghang mga sibilyan sa mga probinsya sa Nangarhar ug Paktika.