Miuyon sa usa ka temporaryo nga ceasefire ang Pakistan ug Afghanistan kaniadtong Miyerkules, Oktubre 15 human ang mga airstrike ug ground fighting kay nagpakusog sa tensyon tali sa maong mga nasud sa South Asia, nga nagbilin sa kapin sa usa ka dosena nga mga sibilyan ang namatay ug gatusan ang nasamdan.
Ang panag-away niadtong Miyerkules subay sa gilalisang utlanan nga nakaguba sa usa inisyal nga kalinaw human sa dosena ang namatay sa mga panagsangka sa hinapos sa semana diin ang pinakagrabe tali sa duha ka Islamic nga mga nasud sukad nga ang Taliban nag-ilog sa gahum sa Kabul niadtong 2021.
Ang bag-o nga panagbingkil tali sa kanhing mga kaalyadong nasud mibuto human ang Islamabad nanghangyo nga ang Afghan Taliban nga administrasyon molihok aron sa pagpugong sa mga militante nga nagpadako sa mga pag-atake sa Pakistan, nga nag-ingon nga sila naglihok gikan sa mga dangpanan sa Afghanistan.
Gipanghimakak sa Taliban ang taho ug akusasyon nga ang militar sa Pakistan nga nagpakaylap og sayop nga impormasyon bahin sa Afghanistan, ug naghagit sa mga tensyon sa utlanan, ug nagtago sa mga militante nga nalambigit sa ISIS aron madaot ang kalig-on ug soberanya sa nasud.
Gipanghimakak dayon kini sa militar sa Pakistan ang maong mga pasangil.
