CEBU CITY-Usa ka dakong pasidungog sa mga Cebuano Sports Heroes ang ibida sa closing ceremony sa Palarong Pambansa 2024 nga nakahatag og garbo sa Sugbo sa nangaging mga kalihukan.
Gitakda karong Hulyo 16 sa Cebu City Sports Center, ang kalihukan nagsaad nga usa ka talagsaong selebrasyon sa mga kalampusan sa atleta ug sa adunahang kultura sa Sugbo.
Gikalipay sa Kagamhanang Probinsya sa Sugbo ang pag-host sa maong Closing Ceremony.
Ang seremonyas usab magpakita sa usa ka espesyal nga pag-ila sa mga partisipante nga mga atleta, nga gipasiugda sa usa ka orihinal nga kanta nga gikomposo para lang kanila.
Nagpadayag sa iyang panan-awon nga mga plano alang sa seremonya ang kanhi creative director nga si Awhel Paz.
Gawas sa mga teknikal nga kahibulongan niini, ang seremonyas magsaulog sa lagsik nga mga obra ug kultura sa Sugbo.
Gikatakda usab nga mopasundayag ang Singer nga si Darren Espanto, nga makadugang og star power sa maong kalihukan.
Ang Kagamhanan sa Probinsiya sa Sugbo nisaad og P8 milyones alang sa closing ceremony, nga dili lang magsaulog sa athletic prowes ug camaraderie kondili nagpasiugda usab sa Sugbo isip sulo sa kahayag, paglaom, kalinaw, ug panaghigalaay.
