CEBU CITY-Nilusad ang Dakbayan sa Sugbo sa iyang red carpet alang sa kapin sa 1,500 ka mga atleta, coach ug opisyal sa Palarong Pambansa National Pre-Qualifying Meet Cluster 3 nga opisyal nga gibuksan niadtong Miyerkules, Hunyo 14.
Pinagi sa pakigtambayayong sa Department of Education sa Central Visayas (DepEd-7), ang DepEd Cebu City Schools Division sa Cebu City Sports Commission (CCSC) misaad sa paghatag sa mga bisitang rehiyon og top-notch hosting sa walo ka batted ug ball sports.
Taliwala sa kahinam ug grabe nga kompetisyon, ang pag-host sa Cebu City nag-una nga gitumong sa paghimo sa impresyon nga kini adunay taas nga katakus sa pag-host sa 2024 Palarong Pambansa.
Giklaro usab ni Jimenez kung unsa ka importante ang sports ug dapat balansi kini sa academics para sa mga magtutungha.
Kung kahinumduman nga ang dakbayan sa Sugbo maoy usa sa tulo ka siyudad sa Kabisay-an, lakip ang Bacolod ug Iloilo, nga mitanyag sa pag-host sa Palarong Pambansa sunod tuig.
Nag-una na karon ang Cebu City sa ubang mga bidders human naangkon ang katungod sa pag-host sa pre-qualifying meet nga salmotan sa mga student-athletes gikan sa Region 6 (West Visayas), Region 7 (Central Visayas), Region 8 (East Visayas) ug Rehiyon 9 (Zamboanga Peninsula).
Gibutyag ni Jimenez nga ang kataposang higayon nga ang Rehiyon 7 nag-host sa Palarong Pambansa niadtong 2013 sa Dumaguete City, Negros Oriental, ug una niini didto sa Cebu City niadtong 1994.
Duwaon sa pre-qualifying meet mao ang volleyball, softball, basketball, sepak takraw, futsal, baseball, softball, ug football. Ang top two teams lang sa matag sport ang moabante sa Palarong Pambansa sa Marikina City nga gikatakda sa Hulyo.
