Nitubag ang Presidential Communications Office (PCO) sa pamahayag ni Senador Imee Marcos nga nangayo kini og pasaylo sa ilang namatay nga amahan tungod sa “wala pagbantay” sa iyang igsoon, nga si Presidente Ferdinand Marcos Jr.
Atol sa usa ka press briefing sa Malacañang, gisusi ni Palace Press Officer Undersecretary Claire Castro ang mga pulong sa senador ug gipangutana kung kinsa sa mga igsoon ang kinahanglan gayud nga bantayan ug nahimong “rebelde.”
Giinsistir ni Castro nga si Presidente Marcos kay wala gayud namalikas, walay mga pagmi-meltdow, labi na sa publiko, ug wala maghulga sa kinabuhi sa bisan kinsa.
Gipasiugda sa Opisyal sa Palasyo ang maayong kinabuhi sa pamilya sa Presidente ug ang iyang “pagkamatinud-anon” sa iyang asawa sukwahi sa mga pasangil sa senador.
Gipangutana usab ni Castro kung ang pagpangayo og pasaylo ni Sen. Imee tungod ba sa wala pagbantay o sa dayag nga pagpakaulaw sa iyang kaugalingong igsoon.
Bisan pa sa mga insulto sa iyang igsoon, gipasalig ni Castro nga ang Presidente nagpabilin nga naka-focus sa iyang trabaho ug wala gyud mibalos pinaagi sa pag-insulto sa senador.
