CEBU CITY — Gihimug-atan sa mensahe ni Cebu Archbishop Most Rev, Jose Palma, D.D. sa pasko sa pagkabanhaw nga ang katawhan mao ang buhi nga simbahan luyo pa man sa kahaw-ang sa mga churces building karong adunay hulga sa coronavirus disease 2019.
Matod sa arsobispo nga ang mga tawo nga nagsunod kanila og sa labaw’ng makagagahum mao ang rason nga makalitok gihapon ang tanan og “Happy Easter”.
Ang mismong panahon nga gihatag sa usa ka tawo alang sa pag-alagad og paghimaya sa Ginoo mao ang rason nga magmalipayon ang tanan.
Gi-punto usab sa arsobispo nga sama sa ubang kalamidad nga ni-abot sa kalibutan, ang COVID-19 mawala ra og masumpo pina-agi sa pag-ampo og pabiling paghimaya sa labaw’ng makagagahum gumikan kay ang gugma og kalu-oy mismo sa Ginoo dili matapos.
Gipangunahan karong Easter Sunday sa arsobispo ang Santos nga misa sa Cebu Metropolitaan Cathedral.
