Gidominar ni Gwendoline Meliz Soriano sa Baguio City ang coronation night ug gikoronahan nga Binibining Pilipinas International 2026, samtang, si Sasha-Juli Belle Lacuna sa Tarlac ang opisyal nga gikoronahan isip bag-ong Binibining Pilipinas Globe sa 62nd Binibining Pilipinas Grand Coronation Night nga gipahigayon sa Smart Araneta Coliseum gabii, Sabado, Hulyo 18.
Human gi-sweep ni Soriano ang mga special awards, iyang giselyohan ang iyang kadaugan pinaagi sa usa ka hingpit nga masterclass sa kahanas sa eloquence ug grace sa Top 4 Q&A portion.
Mikompleto sa mga mananaog si Julianne Raine Antonio sa Dumaguete isip 1st Runner-Up, ug Tracy Mae Sunio sa Bacolod isip 2nd Runner-Up.
Sa final Q&A portion, gidayeg pag-ayo sa mga hurado si Soriano sa iyang tubag mahitungod sa pagsalig sa plano sa Ginoo ug pagdawat sa mga kapakyasan isip sumbanan sa kalampusan. Si Lacuna usab mikuha sa atensyon sa tanan sa iyang pagpasabot mahitungod sa “empathy” o empatiya, diin matod pa niya, mao kini ang hiyas sa tawo nga dili gyud mapuli sa Artificial Intelligence (AI).
Ingon man nga isip bugtong representante sa Cebu, si Christine Jorelle F. Usaraga (Candidate No. 35) kinsang napakyas makasulod sa top 12, nakahatag gihapon kini og masaligong pasundayag sa ika-62 nga Bb. Pilipinas Swimsuit Competition.
